Gin-postpone ang initial hearing para sa preliminary investigation sang Department of Justice sa pila ka kaso sang flood control project.
Sa mensahe nga ginpadala sang spokesperson sang departamento nga si Atty. Polo Martinez, ginpahayag sini nga indi na magpadayon ang hearing sa subong.
Natalana kuntani ini nga hiwaton subong nga adlaw, sa diin padayon pa nga nagalain ang pungsod sa epekto sang Bagyo Uwan.
Gani, bangud sang bagyo nga amo ang rason sang pagsuspinde sang trabaho sa mga opisina sang gobyerno, ginpaisol ini sa subong.
Samtang, gintalana ang bag-o nga petsa para sa initial hearing para sa sini nga palaabuton nga Biernes, Nobyembre 14.
Madumduman nga ginpabalik sa DOJ sang Office of the Ombudsman ang ini nga lima ka kaso sang ghost flood control projects sa Bulacan.
Suno sa Ombudsman, ini agud malikawan nga masulit ang proseso, gani gin-assign ang Department of Justice nga magpanguna sa preliminary investigation.
