Sa nagapadayon nga impeachment trial batuk kay Vice President Sara Duterte, gin-istoryahan ang kontrobersyal nga pagpang-atake sa iya samtang nagaserbe bilang Mayor sa anay sheriff sang Regional Trial Court (RTC) Branch 16 nga si Abe Andres.
Sa cross-examination ni defense counsel Atty. Mark Vinluan, iya ginpamangkot si NBI Director Melvin Matibag kon nakahibalo ini nga ang nagtulod kay Duterte nga sakiton ang sheriff amo ang bangud sa pagpamalibad sini nga makaangkon sang duha ka oras nga extension antes ipatuman ang demolisyon sa nasambit nga lugar.
Ang nasambit nga extension ang ginhingyo ni Duterte bilang konsiderasyon sa mga pumuluyo nga sadto ginhalitan sang bagyo.
Sa pihak nga bahin, ginpahayag ni Matibag nga wala siya sang ihibalo sa gin-alegar bug-os nga detalye sang insidente.
Matandaan nga gin-istoryahan man ang pagpakita ni Andres bilang witness sa impeachment trial, apang gilayon ini nga ginpanginwala kag nagpakitluoy nga indi mag-intra sa gahod kag kinagamo sang pulitika.
