Indi dapat paghusgaran ang kredibilidad sang anay COA State Auditor nga si Roderick Wamil base sa mga pamangkot kon bala nakakadto na siya sa mga lugar nga gina-audit.
Suno kay House Private Prosecution Atty. Amando Virgil Ligutan, ang papel sang isa ka COA auditor amo ang pagrepaso sang mga dokumento nga ginsumite sang isa ka ahensya kag siguraduhon nga nagasunod ang mga ini sa pagsulundan.
Kon may makita nga kakulangan ukon deperensiya, nagaagi ini sa nagakaigo nga proseso, lakip ang paghatag sang Audit Observation Memorandum, Notice of Suspension, kag Notice of Disallowance antes makalab-ot sa COA Commission.
Ginhatagan niya sang importansya nga ang mando sang isa ka state auditor wala nagalakip sang personal nga pagkadto sa mga lugar nga ginasakop sang audit, gani ang trabaho kag testimonya ni Wamil nagapabilin nga nagasanto sa proseso.
