ROXAS CITY – Dako ang pagpasalamat ni Interim kag Outgoing Philippine Councilors League (PCL) President Capiz Chapter SB member Catherine San Antonio, sa nangin kahigayunan nga mangin presidente sang PCL-Capiz.
Sa nangin mensahe ni San Antonio pinaagi sa privilege speech sa ginhiwat nga sesyon sang Sangguniang Panlalawigan kahapon nga adlaw sang Martes, ginpasalamatan sini ang nagabug-os sang administrasyon ni Governor Castro sa nasambit nga oportunidad.
Masubo man ini nga magabiya sa amu nga posisyon apang malipayon man sa pihak nga bahin bangud magabalik na ini sa pagserbisyo sa ila banwa sa Ivisan kag bugal para sa iya nga napresentar ang ila banwa sa bug-os nga Capiz.
Matandaan nga gin-endorso ni San Antonio si City Councilor, Atty. Paul Baticados nga mangin panibag-o nga president sang nasambit nga liga.
