Ginaduso sang International Criminal Court prosecutors nga suguran ang trial batok kay former Rodrigo Duterte sa Nobyembre 2026 may kaangtanan sa kaso nga crimes against humanity.
Sa report nga ginsumite sang Mayo 15, ang prosekusyon nagsiling nga ginalauman nila nga matapos ang tanan nga kinahanglanon nga mga pagpanghanda antes matapos ang Septyembre 2026.
Bangud sini, ila ginsuhestyon nga sa Nobyembre 30 pormal na nga pagasuguran ang hearing agud nga may bastante nga tion para sa pag-areglo sang mga ebidensya kag sa paghanda sang mga dokumento.
Sa bahin naman sang depensa, liwat nga ginpanindugan sang abogado ni Duterte nga si Peter Haynes nga dapat liwat nga usisaon ang kondisyon sang anay presidente agud mahibaluan kon bala makatindog pa ini sa kaso.
Madumduman nga ginkumpirmar sang ICC sang Abril 23 ang panumbungon batuk kay Duterte matapos gindeklara nga “fit to stand trial” ini.
Nahibaluan nga nagapangatubang si Duterte sang tatlo ka kaso nga murder kag attempted murder crimes against humanity nga may kaangtanan sa kampanya kontra droga sang siya pa ang alcalde sang Davao kag Presidente sang Pilipinas.
