Nagalaum ang international humanitarian group sang positibo nga resulta sang Emergency Peace Summit tuga sang padayon nga kinagamo sa Middle East.
Suno kay Bombo Joseph Timothy Rivera, International Corrrespondent direkta sa Qatar, ginatutukan sang international humanitarian organization nga We Care for Humanity pamaagi sa isa ka Peace Summit nga may tinutuyo nga mapahinay ang ang diplomatic efforts kag mapahagan-hagan ang tensyon sa rehiyon.
Pahayag pa niya, gintutukan ang nagkalain-lain nga nga bahin sang international sector, kun sa diin ang makabulig sa humanitarian crisis sa tunga ang Estados Unidos sang Amerika kag Iran ilabi na nga liwat nga ginsarado ang strait of Hormuz sang Iran .
Nahibaluan nga 19 ka mga humanitarian leaders ang nagtambong kag nagasulong sang importansya sang diplomasya kag ceasefire efforts.
Dugang pa niya, handom matapos na ang kinagamo agud wala na sang madalahig nga mga sibilyan kag masiguro ang kalinong kag seguridad sang mga pumuluyo sa mga apektado nga lugar.
