Ginkumpirmar sang Department of Foreign Affairs (DFA) nga gintimbrehan na nila ang International Criminal Police Organization (Interpol) nga kanselado na ang passport ni Former Ako Bicol Party List Representative Zaldy Co.
Suno kay Foreign Affairs Spokesperson Ambassador Angelica Escalona, nabaton sang DFA sadtong Disyembre 10 ang resolution sang Sandiganbayan nga nagamando nga kanselahon ang passport sang anay mamalidha.
Gin-athag man sang opisyal sang DFA nga ginpahibalo man nila ang talatapan sang Interpol sa Pilipinas nga amo ang Philippine Center on Transnational Crimes angot sa kanselasyon sang passport ni Co.
Pag-abot sa gin-alegar golden passport ni Co, ginpahayag sang opisyal sang DFA nga ang gobyerno lang sang Portuguese ang makasabat sini. Suno sa iya, indi tanan nga Pinoy nga nagakuha sang foreign citizenship kag foreign passport ang nagareport sa DF
Nahibaluan nga ginkumpirmar ni Department of the Interior and Local Government (DILG) Undersecretary for Public Affairs and Communications Donnie Puno nga nagsugod na ang ahensya sa pagpakig-angot sa gobyerno sang Portugal agud i-verify ang report may kaangtanan sa Portuguese passport ni Co.
Matandaan nga una na nga ginbuyagyag ni DILG Sec Jonvic Remulla nga ginmonitor ang katapusan nga lokasyon ni Co sa Portugal.
