Nagnubo sa 2.04% ang kabug-usan nga investment approvals sang Pilipinas sang 2025 kag naglab-ot sa P1.92 trilyon suno sa Philippine Statistics Authority.
Apang, ang mga aprubado nga pamuhunan nagtaas sang daku sa ika-apat nga quarter, nga naglab-ot sa P1.1 trilyon ukon 193.8% nga mas mataas kumpara amo man nga panahon sang 2024. Kalabanan sini naghalin sa mga Filipino investors, nga naglab-ot sa P990 bilyon ukon 90.6% sang kabug-usan.
Ini nga mga proyekto ginalauman nga makatuga sang 48,227 ka mga trabaho, 13.6% nga mas manubo kumpara sang nagligad nga tuig. Ang pinakadaku nga bahin sang mga pamuhunan nagkadto sa supply sang kuryente, gas kag air conditioning nga naglab-ot sa P991.61 bilyon, ginsundan sang real estate, transportation kag manufacturing.
Sa mga ahensya, ang Board of Investments nakarekord sang P1.56 trilyon nga approvals, samtang ang Philippine Economic Zone Authority ang nagapangaduha nga may yara sang P260.89 bilyon, ang pinakamataas sini ngarekor ang humalin pa sang tuig 2016.
