-- ADVERTISEMENT --
Nagpromisa ang International Olympic Commitee (IOC) nga ila pagabayluhan ang mga medalya ni American swimmer Gary Hall Jr. nga nasunog sa wildfire sa Los Angeles.
Suno kay IOC President Thomas Bach, nga hatagan nila si Hall sang replicas sang 10 Olympic medals nga natupok sang kalayo.
Matandaan nga naghampang ang American swimmer sa Olympics sa mga tuig sang 1996, 2000 kag 2004 kun sa diin nakakuha ini sang lima ka bulawan nga medalya, tatlo ka silver kag duha ka bronze sa Atlanta, Sydney kag Athens.
Una nga ginkasubo sang 50-anyos nga Hall of Famer swimmer sang US ang pagkasunog sang iya balay bangud sa wildfire kun sa diin wala niya maluwas ang iya mga medalya nga iya nadag-an.
