Gin-anunsyo ni Iranian Foreign Minister Abbas Araghchi nga ang iya pungsod lubos nga nakahanda sa tion sang liwat nga inaway sa Estados Unidos sang Amerika matapos gin-scrap sang Washington ang ila pito ka adlaw nga plano para sa liwat nga pagbukas sang Strait of Hormuz.
Sa pihak sini, ginpahayag ni US President Donald Trump nga nagalaum siya nga makaangkon sang dugang nga negosasyon sa Iran subong nga semana samtang nagapanindugan nga malampuwasan sang Washington ang inaway sa tuman ka malip-ot nga panahon.
Samtang hugot naman nga ginpanginwala sang military US ang pahayag sang Tehran nga nakumpiskar sang Iran military ang isa ka modern underwater US drone sa Strait of Hormuz.
Kadungan sini, lima ka mga lalaki ang nadakpan malapit sa airbase facility sa United Kingdom nga ginagamit sang US sa mga operasyon batok sa Iran sa suspetsa nga may yara sang armas kag kaangtanan sa terorismo.
