Iran, liwat nga nagpadala sang bag-o nga proposal sa America para sa pag-untat sang gyera

Nagpadala ang Iran sang bag-o nga proposal sa Estados Unidos  sa tunga sang nagapadayon nga tensyon sa Middle East.

Ginpaabot ini paagi sa Pakistan nga nagabulig bilang mediator sang duha ka pungsod.

Kalakip sa proposal ang pag-untat sang gyera, pagbukas liwat sang Strait of Hormuz kag pagpaluwag sang sanctions batok sa Iran.

Ginpahayag man sang Iran nga sa masunod na nga pagtililipon istoryahan ang parte sang ila nuclear program.

Apang, nauna na nga gin-reject U.S. President Donald Trump ang kaangay nga proposal sang Iran.

Gin-ako naman sang mga mediator nga posible nga maghinay ang negosasyon bangud padayon nga pagabag-o sang posisyon sang Iran kag Estados Unidos.