Nagpamahog ang Iran nga atakehon ang mga imprastraktura sa Middle East kun indi masiguro ang ila seguridad, samtang ginahulat ang pormal nga sabat sang Estados Unidos sang Amerika sa proposal nga buksan liwat ang Strait of Hormuz.
Suno sa Iranian parliament speaker kag chief negotiator nga si Mohammad Bagher Ghalibaf, wala sang imprastraktura sa rehiyon nga mangin luwas kun indi makabaligya sang langis ang Iran ukon indi masiguro ang seguridad sini.
Una na nga ginbalibaran ni US President Donald Trump ang proposal sang Tehran, apang ginpahayag sang Iranian foreign minister nga ginahulat nila ang pormal nga sabat sang Washington.
Matandaan nga nag-untat ang inaway sang nagligad nga mga semana, apang padayon nga ginapuntariya sang Iran ang mga barko nga nagaagi sa Strait of Hormuz.
Antes nagdabdab ang inaway sang Pebrero, ginabulubanta nga ikalima nga bahin sang suplay sang langis kag liquefied natural gas sa kalibutan ang nagaagi sa sini nga ruta.
