Nagpaandam ang Iranian Foreign Minister Abbas Araghchi nga handa ang Tehran nga “magbalos sang bug-os” batok sa Estados Unidos kon mag-atake ini liwat, kasunod sang mapintas nga crackdown sa protesta nga nagbilin sang linibo nga patay.
Ini ang pahayag matapos nga ginkanselar sang World Economic Forum ang imbitasyon ni Araghchi bangud sa pagpamatay sa mga demonstrador. Sa amo man nga tion, ang aircraft carrier nga USS Abraham Lincoln kag ang mga destroyer sang Amerika nagahulag pakadto sa Indian Ocean, nga posible pakadto sa Middle East.
Naglab-ot na sa 4,519 ang death toll kag masobra 26,300 ang nadakpan humalin sang nagsugod ang protesta, ang pinakamataas nga numero sa Iran sa sulod sang pila ka dekada.
Gin-ako ni Supreme Leader Ayatollah Ali Khamenei nga “pila ka libo” ang napatay kag ginbasol ang U.S.
Ginpaandaman ni Araghchi nga ang posible nga all-out confrontation “magalapta sa bug-os nga rehiyon” kag magalawig sang mas mabaskog sangsa ginapaabot sang Israel kag Washington.
