Padayon ang Iran nga nagapaulan sang mga missile sa nagkalainlain nga bahin sang Israel.
Ang pila sa mga pag-igo nga nagtuga sang mga paglupok amo ang sa Tel Aviv kag Jerusalem.
Suno sa Iran, ang nasambit nga lihok bilang sabat sa pag-atake sang Israel.
Gin-intercept sang Israel ang pila ka mga rocket sang Iran gamit ang ila Iron Dome.
Ginpabugal man sang Iran nga naigo nila ang pila ka mga lugar sang militar sang Israel.
Naakig ang Israeli Defense Minister nga si Israel Katz sa ginhimo sang Iran bangud naapektuhan na sini ang mga sibilyan.
Madumduman nga ang pag-atake sang Israel sa Iran nagpatay sa mga mataas nga lideres kaangay ni Gen. Hossein Salami, ang kumander-in-chief sang Revolutionary Guard sang Iran, kag si Maj. Gen. Mohammad Bagheri, isa ka mataas nga opisyal sang militar sang Iran.
Gin-akusahan sang Israel ang Iran nga naga-organisar sang ila nukleyar nga programa, nga ginpanghiwala sini
