Ginpanginwala ni Iranian Foreign Minister Abbas Araghchi nga nagahingyo sila sang ceasefire halin sa Estados Unidos.
Suno sa iya, maskin san-o wala nila ginpangayo ang ano man nga negosasyon matapos ang mga pag-atake sang Israel kag US, kag wala sila sang nakita nga rason agud makig-istorya sa Amerika.
Pahayag ni Araghchi, samtang nakaangkon sila sang paghinun-anon, nagdesisyon naman ang US nga magpatigayon sang pag-atake. Dugang sini, handa ang Iran nga ipakigbato ang kaugalingon batuk sa giyera nga ginpili ni US President Donald Trump.
Ginpahayag man nga bukas ang Iran sa pakig-negosasyon sa iban nga mga pungsod agud masigurado ang safety nga pag-agi sang mga barko sa Strait of Hormuz, kag may pila na ka mga pungsod ang nagpalapit para sa proteksyon sang ila nga mga sakayan pandagat.
Nagpanindugan ang Iran nga wala na sila sang plano nga buhi-on ang ila nga nuclear program.
