Ginpanindugan ni Iran President Masoud Pezeshkian nga tion na nga tapuson ang binulan nga inaway sa Middle East kag Estados Unidos sang Amerika.
Suno kay Pezeshkian, mas maayo nga tapuson ang giyera subong samtang mabakod pa sila kag may dignidad pa.
Suno sa iya, ginkilala sang bug-os nga kalibutan ang ila kadalag-an kag ginpadaku nga gin-atake sang Amerika ang ila mga eskwelahan, ospital kag imprastraktura sa paglapas sang tanan nga pagsulundan, bagay nga ginakaugtan sang bug-os nga kalibutan.
Ginpangapinan man ni Pezeshkian ang memorandum of understanding nga ginkasugtan sa Amerika sang Hunyo nga nagatuyo sa pagtapos sang inaway, kag nag-insister nga indi ini isa ka senyales sang kapierdihan para sa Tehran.
Suno sa iya, wala sang nakasulat sa nasambit nga kasugtanan nga nagapakita sang ila “surrender” kag ang tanan nga commitments ang para lamang sa pihak nga bahin.
Ginhimo sang Presidente sang Iran ang pahayag matapos nga ginpahayag ni Supreme Leader Mojtaba Khamenei nga gin-aprubahan niya ang kasugtanan nga tapuson ang giyera apisar sang magkatuhay nga panan-awan.
