Nagpirma si Iranian President Masoud Pezeshkian sang bag-o nga layi nga nagapauntat sang kooperasyon sa International Atomic Energy Agency.
Suno sa nuclear arms experts, posible nga mangin delikado ang Iran pagkatapos sang 12 ka adlaw nga away sini sa Israel kag ginbombahan pa sang Estados Unidos ang ila mga nuclear facilities.
Nahibaluan nga gin-target sang US ang tatlo ka mga key Iranian nuclear facilities sang nagligad nga bulan gamit ang bunker buster bombs.
Pahayag pa sang mga eskperto, posible nga sekreto nga magahulag ang Iran agud makahimo sang nuclear weapons.
Ang International Atomic Energy Agency amo ang naga-check sang nuclear activities sang Iran.
May yara man sang posibilidad nga magabiya ang Iran sa Nuclear Treaty nga amo ang daan nga kasugtanan nga may katuyuan nga mapauntat ang mga pungsod sa paghimo sang nuclear weapons.
