Ginbuyagyag Sa ika-11 nga adlaw sang impeachment trial ni Vice President Sara Duterte ang gin-alegar nga mga iregularidad sa paggamit sang P125 milyon nga confidential funds sang Office of the Vice President sang 2022.
Suno kay anay COA state auditor Roderick Wamil, acknowledgment receipts lang ang ginsumiter sang OVP imbes nga official receipts kag sales invoices nga ginakinahanglan sang layi.
Ginsiling man niya nga may mga resibo nga may petsa sang 2023 kag kulang sa supporting documents, gani ginadudahan ang pila ka transaksyon.
Dugang pa niya, indi tanan nga impormasyon sa confidential funds dapat taguon, kundi ang katuyuan lang sang operasyon.
Ginpahayag man ni Wamil nga may bahin sang pondo nga gingamit para sa medical kag food aid, incentives, rewards kag travel expenses nga suno sa iya wala ginatugutan sang 2015 Joint Circular.
