ROXAS CITY-Dismayado ang isa ka anak matapos nga ginpamalibaran nga hatagan sang bulong sa Mambusao District Hospital matapos nga ginkagat sang kuring ang iya amay sa Barangay Agloloway, Jamindan, Capiz.
Sa ekslusibo nga interview sang Bombo Radyo kay Alyas Nene nga gindala nila ang iya amay sa Mambusao District Hospital matapos nga nakabatyag ini sang hilanat, pagpalangurog kag kabudlay sa pagginhawa.
Ginpahayag sini nga luyag lamang kuntani nila nga magpangayo sang bulong sa rabies para sa pilas sang iya amay matapos nga ginkagat sang kuring.
Apang, ginkakibot ni alyas Nene sang gin-abisohan sila sang isa ka staff sa emergency room nga magpauli kag magbalik sa masunod nga adlaw para sa injection.
Ini bangud wala sang makuha sang bulong sa Outpatient- Department sa nasambit nga ospital.
Bangud diri, ginpakamaayo na lamang nila nga magpauli sa ila balay apisar nga nagalain na ang pamatyag sang iya amay kag ginpakamaayo na lamang nga patandukan ini sa Kasunod sini tuman na lamang ang pagkadismaya ni Alyas Nene sa natabo bangud wala gid ginhatagan sang bulong sang amo nga ospital ang amay.
Samtang, nagapanawagan naman si Alyas Nene nga kun mahimo nga mahatagan kuntani sang atensyon sang pamunuan sang amo nga ospital ang kasubong nga mga pasyente ilabi na sa tion sang emerhensiya.
