Nagpabutyag sang kalipay si former Kabataan Party-list Representative Raoul Manuel sa nangin unanimous na desisyon ng House Committee on Justice kaangot sa mga impeachment complaint batok kay Vice President Sara Duterte.
Sa interview sang Bombo Radyo kay Manuel, iya ginpahayag nga importante nga development sang impeachment ang nangin resuklta sang botohan kun sa diin 53 ang affirmative, 0 sa negative, kag wala sang abstain nga buot silingon may yara sang probable cause ang mga reklamo batok sa bise presidente.
Suno sa iya, base sa proseso sang Kamara, ang pag-determina sang probable cause sang House Justice Committee ang mangin dalan agud mapasaka ang Articles of Impeachment sa plenaryo.
Pahayag pa niya , sa tion nga aprubahan ini sang majority sang mga mamamalidha, iagapasa ini sa Senado kun sa diin magatindog bilang impeachment court.
Dugang pa sang natungdan, importante sa gihapon nga mapabilin ang transparency kag due process sa tagsa ka bahin sang impeachment proceedings agud mapabilin man ang pagsalig sang publiko.
