Natigayon nga makapasar ang isa ka nurse sa una nga pag-take sini sang Bar Exam 2025.
Sa interview sang Bombo Radyo kay Atty. Jonathan James Quirao, tumandok sang Barangay Baybay, Roxas City, iya ginpahayag nga nangin challenge sa iya ang pag-review bangud kadungan sini, nagatrabaho man ini sa Supreme Court bilang isa ka sheriff.
Suno kay Atty. Quirao, isa man ka pagpanghangkat ang limitado nga tion sini sang iya preparasyon bangud tuig 2025 ini nag-graduate sa law school kag sa pareho man nga tuig ini nagtake sang amo nga exam.
(EXAM)
Pahayag niya, nagpangduha-duha pa ini nga maglantaw sang iya nga pangalan sa listahan apang tuman man ang iya kalipay sang nahibaluan na sini nga nakapasar ini sa una niya nga pag-take.
Nagapasalamat man ang natungdan sa iya nga pamilya kag mga abyan nga wala nagkataka nga magsalig kag magsuporta sa iya.
