Isa ka armas luthang boluntaryo nga ginsungka sang isa ka punong barangay sa mga kapulisan sa banwa sang Dao, Capiz

ROXAS CITY – Boluntaryo nga ginsungka sang Punong Barangay sang Barangay Centro, Dao, Capiz ang isa ka armas-luthang sa Dao Municipal Police Station.

Sandig sa mga kapulisan ginsungka ni Punong Barangay Jonathan Scorpion ang isa ka unit sang homemade 12 gauge shotgun long nga wala sang bala.

Sa karon, yara na sa kustodiya sang  Firearms and Explosives Security  Agencies and Guard Supervision (FESAGS) sang Dao Municipal Police Station ang nasambit nga armas luthang kag natalana nga iga turn-over sa Capiz Police Provincial Office (CPPO) para sa nagakaigo nga disposisyon.

Nahibaluan nga resulta ini sang Tokhang Kontra Armas Luthang (TKAL) nga kampanya sang mga Kapulisan batok sa pag hupot sang illegal nga armas luthang.