Isa ka balay nasunog sa banwa sang Cuartero

Totally burned ang isa ka balay matapos masunog sa Venus St., Barangay Poblacion Takas, Cuartero, Capiz.

Human sa light materials ang balay nga ginapanag-iyahan ni Joselito Ambos 65-anyos, nagaisahanon lamang nga naga-estar sa nasambit nga puluy-an.

Ba-se sa imbestigasyon sang Cuartero Fire Station nga nagresponde sa insedente gikan sa dapog ang kalayo tobtob naglapta ini sa bilog nga balay.

Ginabulubanta nga P5,000 ang nangin kahalitan sang nasambit nga sunog.

Samtang ginpahayag nga nalab-ot pa sang kalayo ang buhok sang biktima nga gilayon gindapatan sang nagakaigo nga pagbulong.