ROXAS CITY – Totally burned ang isa ka balay samtang duha ang partially burned sa nagluntad nga sunog sa Bayot Drive, Barangay IX, Roxas City kaina pasado alas 8:00 sang aga Pebrero 25, 2025.
Ginkilala ang mga tag-iya nga sanday, Francisco Fuentes Sr, Francisco Fuentes Jr kag Franklin Fuentes nga lunsay mga residente sang nasambit nga lugar.
Base sa inisyal nga impormasyon nagikan sa Roxas City Fire Station, nagsugod ang sunog alas 8:29 sang aga kun sa diin naglab-ot sa siyam (9) ka mga fire truck ang nagresponde kag gindeklarar nga fire out alas 8:48 sang aga.
Tatlo naman ang na-report nga nagkalapilasan sa amu nga sunog kag tatlo man ka pamilya ang apektado.
Samtang, nagdangat sa mas ukon menos P22,000 ang nangin kahalitan sa nasambit nga insidente.
Sa karon, nagapadayon ang imbestigasyon sang katapo sang bombero kun ano ang gintunaan sang amu nga sunog.
