ROXAS CITY – Nagpablotter sa Roxas City Police Station ang isa ka barangay kagawad matapos nga ginaalegar ginhangkat ginpahog nga bun-on sang kutsilyo sa Barangay Cogon, Roxas City.
Ginkilala ang tagreklamo nga si Brgy. Kagawad Noel Amores 53-anyos sang nasambit nga lugar.
Base sa inisyal nga imbestigasyon sang Roxas City PNP nga gin-imbitar panyaga ang tagreklamo sa balay ni Mrs. Wolf sang ginkadtuan ini sang suspek nga si Ariel Diondo 30-anyos sang amo man nga lugar sa diin ginaalegar nga ginsinggitan ini sang malain nga mga tinaga, ginhangkat inaway kag ginpahog nga bun-on sang kutsilyo.
Bangud diri, nagpanawag ang tagreklamo kay Konsehal Elicana kag nagpangayo sang responde sa diin natigayon nga naaresto ang nasambit nga suspek.
Ginapatihan nga yara sa idalom sang impluwensya sang makahulubog nga ilimnon ang suspek sang natabo ang insidente.
