Isa ka Nigerian nga couple ang nag-viral sa social media, kun sa diin pagkatapos sang wedding mass, ginahulat sang bride nga matagaan siya sang kwarta sang tagsa ka mga bisita.
Ang “Money Spraying ritual” isa ka popular nga tradisyon sa Nigeria kun sa diin ginahatagan sang kwarta ang bride sang pamilya sang groom, apang indi siya pwede magyuhom ukon magbuka sang iya baba kun indi siya kontento ukon malipay sa balor sang kwarta, bisan pa maglab-ot ini sa milyon-milyon.
Bisan pa nga damo ang nag-hatag sang kwarta sa Nigerian Bride, wala gihapon siya nagyuhom, bisan pa nga naglab-ot sa pila ka milyon ang iya kuwarta nga nabaton.
Ini nga tradisyon nagapakita sang ka-generoso, pagkomit, kag paghigugma ukon pagpalangga sang pamilya sa bride.
Madamo man ang naglahog nga himuon man sa Pilipinas ang ini nga tradisyon.
