PONTEVEDRA, CAPIZ – Arestado ang isa ka drug suspek sa ginkasa nga drug buybust operation sa Barangay Tacas, Pontevedra, Capiz.
Ginkilala ang naaresto nga si Rulo Borreros alyas ‘Lawrence’, 27 anyos, isa ka CCTV installer kag residente sang Barangay Rosario, banwa sang Pilar.
Ang nasambit nga operasyon ang ginkasa sang mga katapo sang Provincial Drug Enforcement Unit (PDEU) sang Capiz Police Provincial Office (CPPO) kag Station Drug Enforcement Unit (SDEU) sang Pontevedra Municipal Police Station.
Narekober sa suspek ang 5 tanan ka sachets sang shabu, P500 nga buybust money, lima ka panid sang tag P100, isa ka cellphone, wallet kag motorsiklo.
Ginapahayag nga nagalab-ot sa apat ka gramo nga ginapahayag may market value nga kapin P28, 000.
Nahibaluan pa nga naaresto naman sadto bangud sa pagduso sang ilegal nga droga si Borreros apang nahilway ini pinaagi sa plea-bargaining agreement.
Ang suspek ang pagapasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
