Isa ka empleyado sang ospital pilason matapos bumunggo sa layaw nga ido ang ginamaneho nga motorsiklo

Pilason ang empleyado sang isa ka pribado nga ospital matapos nga nakabunggo sang layaw nga ido samtang nagamaneho sang motorsiklo sa Barangay Ilaya-Ivisan, Ivisan Capiz.

Ginkilala ang biktima nga si Edward Villoca, 35 anyos residente sang banwa sang Dumalag.

Base sa inisyal nga imbestigasyon sang Ivisan Municipal Police Station, samtang ginasubay sang biktima ang dalan sakay sa iya motorsiklo, aksidente sini nga nabungguan ang layaw nga ido nga gulpi nga nagtabok sa dalan.

Bangod diri, nadulaan sang kontrol sa manubela si Villoca kag natumba sa dalan.

Gilayon nga gindala sa ospital ang biktima kag padayon nga ginadapatan sang pagbulong.//