Isa ka gamay nga eroplano, nag-emergency landing sa highway sa florida, USA

Nag-emergency landing ang isa ka gamay nga eroplano nga Cessna sa Bayshore Road sa Florida, United States

Suno kay Bombo Denmark Suede, isa ka licensed pilot, posible nga nagpalya ang makina sang eroplano, rason nga napilitan ang piloto nga magpangita sang lugar nga mahimo sini nga mapalapagan.

Dugang pa ni Suede, bangud sang kadamuon sang mga eroplano nga nagalupad sa palibot, nagdesisyon ang piloto nga mag-landing sa highway agud malikawan ang posible nga disgrasya.

Maswerte naman nga wala sang may nasamaran sa amo nga insidente.

Matandaan nga nagligad lamang nga mga semana, isa man ka business jet ang nag-crash sa Greenacres, Palm Beach County, Florida, nga nagresulta sa pagkapatay sang siyam ka tawo nga sakay sini.