Ginpakigbahin sang isa ka health expert ang importansya sang pagdonar sang dugo subong nga National Blood Donor Month.
Sa interview sang Bombo Radyo kay Rosel Lacson, registered medical technologist, iya ginpahayag nga indi lamang sa mga pasyente nga nagakinahanglan sang blood transfusion ang benepisyo kundi may positibo man nga benepisyo sa donor mismo.
Suno kay Lacson ang regular kag boluntaryo nga blood donation isa ka paagi sang pagbulig sa komunidad, ilabi na sa mga nagakinahanglan sang a dugo bangud sang aksidente, operasyon, pagpanganak kag iban pa nga medikal nga emerhensya.
Apang labaw sa tanan, ang pinakaimportante nga benepisyo amo ang posibilidad nga maluwas ang kabuhi sang isa ukon mas madamo pa gid ka pasyente pinaagi sa isa ka donasyon sang dugo.
