Arestado ang isa ka lalaki matapos ginapahayag nga nagpangawat sa sulod sang simbahan sa Barangay Poblacion Ilaya, Panitan, Capiz.
Ang aresto amo si alyas Den, 29-anyos, residente sang Brgy. Tacas, Pontevedra Capiz.
Sa interview sang Bombo Radyo kay Police Captain Ronald F. Ton-ogan, Officer in Charge sang Panitan Municipal Police Station, iya ginpahayag nga nakita sa akto ang arestado nga nagapangawat sang isa ka youth coordinator sang nasambit nga simbahan.
Suno kay Ton-ogan, nakuha sa paghinakop sang suspek ang duha ka kahon sang coins kag mga sobre nga donasyon sang mga sumilimba nga ginabanta nagabalor sang masobra P1,200.
Sa subong, yara na ang arestado sa kustodiya sang Panitan Municipal Police Station para sa nagakaigo nga disposisyon.
