Isa ka lalaki nga may kaso nga ginapahayag rape, arestado sa Barangay Poblacion, Mambusao, Capiz

Arestado ang isa lalake sa kaso nga ginapahayag Qualified Rape pinaagi gahum sang warrant of arrest sa Barangay Poblacion, Mambusao, Capiz.

Ang arestado amo ang isa ka mangunguma kag residente sang nasambit nga lugar.

Sa interview sang Bombo Radyo kay Police Major Ruby Magallanes, Officer in-charge sang Mambusao Municipal Police Station, iya ginpahayag nga ang warrant of arrest sang arestado ang gin-isyu kag  permado ni  ni Hon. Judith Orendain-Tonogan, Presiding Judge, RTC, 6th Judicial Region, Branch 20, Mambusao, Capiz.

Suno kay Magallanes, wala sang may ginrekomendar nga piyansa ang korte para sa temporaryo nga kahilwayan sang arestado.

 Sa subong yara na ini sa paghinakop sang Mambusao MPS para sa nagakaigo nga disposisyon.