Isa ka mangunguma, ginareklamo ang indi patas nga paglistahanay para sa P10,000 cash assistance sa mga mangunguma sa Brgy. Amaga, Sigma, Capiz 

Personal nga nagpadulong sa estasyon sang Bombo Radyo si alyas “Toto”, 67-anyos, isa ka mangunguma, residente sang Barangay Amaga, Sigma, Capiz.

Ginareklamo ni alyas Toto ang indi patas nga paglistahanay kag pagpanagtagay sang benepisyaryo sa cash assistance nga nagabalor P10,000 para sa mga mangunguma sa ila barangay nagikan sa Department of Agriculture.

Pahayag ni Toto, isa ini sya sa mga mangunguma nga nakaagi sang 3^rd cropping kag nasunog pa ang ginaumhan nga uyapad ang wala nakabaton sang ayuda gikan sa national.

Dugang pa ni alyas Toto, may mga kaupdanan ini nga wala nakaagi sang 3^rd cropping apang, nahibaluan sini nga nakabaton ang mga ini sang amo nga ayuda.

Sang nagpadulong ini sa opisina sang DA, gin-eksplikar sa iya sang talatapan nga sa kapin 900 plus nga mangunguma nga yara sa listahan, ang gin-aprubahan lang sa mga ini ang yara nalang sa 480 ka mga mangunguma.

Dugang pa sini,  wala man suno diri sang kaso sa iya nga wala ini nadala apang, nakabatyag ini sang daw kaangay nga unfair kag gasakit  ang buot bangud may ara nga mga mangunguma nga indi nagakabagay ang nakabaton sang amo nga ayuda.

Luyag nga mahibaluan ni alyas Toto kun sin-o ang nag-evaluate sang amo nga listahan kag gahinyo ini sang pila man ka mga panabaton gikan sa opisyal sang ila barangay.