Isa ka miyembro sang lgbt, dakup sa ginkasa nga drug buybust operation sa banwa sang Dumalag, Capiz

ROXAS CITY – Dakup ang isa ka miyembro sang LGBT sa ginkasa nga drug buybust operation sang gintingub nga pwersa sang Station Drug Enforcement Team (SDET) sang Dumalag PNP kag Tapaz PNP sa Barangay San Jose, Dumalag, Capiz.

Ginkilala ang nadakpan nga si Fritz Fegueroa, 22-anyos sang Barangay Sta. Teresa sang nasambit nga banwa.

Narekober sa posession sang amo nga drug suspect ang duha ka sachets sang ginapatihan nga shabu, P500 nga buybust money, P300 nga cash kag duha ka unit sang cellphone.

Mahibaluan nga kapin isa ka bulan na nga ginamonitor sa iya iligal nga aktibidad si Fegueroa.

Magapangatubang naman sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang nasambitan nga suspek.