Isa ka eksperto sa musika gikan sa University of Bristol sa U.K. ang nagsulat sang pinasahi nga musika nga gindesinyo sa pagpukaw sang katam-is kag kanamit sang pagkaon sang tsokolate.
Ang kanta nga may tig-ulo nga Sweetest Melody ang resulta sang masobra 60 ka tuig nga pagpanalawsaw sang siyensya sa isa ka hitabo nga ginatawag multisensory integration, sa diin ang palamatin-an kag pagtilaw may direkta nga epekto sa isa kag isa.
Suno sa mga eksperto, napamatud-an nga ang musika nga may mahumok nga mga melodiya kag sa mayor nga mga tono nagapauswag sang katam-is. Samtang, ang mga sharp notes nagabuga sang kapaitan.
Bangod sini, nagbuliganay ang sound expert nga si Natalie Hyacinth sa bantog nga brand brand sang tsokolate nga Galaxy Chocolate sa pagkomposo sang ambahanon.
Nagagamit ini sang tunog sang piano sa pagpadaku sang katam-is, mga instrumento nga may kuwerdas para sa isa ka smooth finish, kag isa ka harp para sa isa ka mas mahining kag makalilipay nga texture.
Ginapakita sini kon paano ang pagkaon sang tsokolate isa ka multisensory experience nga nagalampas sa panglasa. Ang gahum sang musika sa pagpadalom sang aton kalipay sa tsokolate isa ka makawiwili nga konsepto
