SAPIAN, CAPIZ – Nagapadayon ang imbestigasyon sang mga katapo sang Bureau of Fire Protection Sapian kag Bureau of Fire Protection Ivisan sa nagluntad nga sunog sa Poblacion, Sapian, Capiz.
Suno sa inisyal nga imbestigasyon ni FO2 Albert Amago, Arson Investigator sang Ivisan Fire Station nga cluster sila sang Sapian Fire Station, nga naggikan ang kalayo sa dapugan sang payag nga ginatiniran ni Frederick Araque.
Base sa pagpangusisa naman ni Amago nga naglakat si Araque upod ang anak sini kag bayaw sa diin ginapahayag nga nagluto pa sila antes magbiya sa balay sa diin naghalin ang sunog.
Nahibaluan nga nagabantay si Araque sang fishpond kag temporaryo nga nagatiner sa payag nga ginapanag-iyahan ni Jeffry Lago.
Gilayon naman nga napalong sang mga nagresponde nga bombero ang sunog.
