-- ADVERTISEMENT --

ROXAS CITY – Ginabulubanta nga kapin P135,000 ang nangin kahalitan sa nagluntad nga sunog sa Barangay Bilao, Sapian, Capiz.

Suno kay SFO1 Roldan Gaylan, Fire & Arson Investigator sang Ivisan Fire Station, totally burned ang rest house nga ginapanag-iyahan ni Arsenio Brillantes, 63 anyos kag temporaryo nga nagaistar sa syudad sang Iloilo.

Nahibaluan nga wala pa sang pat-od nga imbestigasyon kun ano ang gintunaan sang sunog bangud suno sa pagpangusisa sa caretaker sang nasambit nga balay, madasig nga gintupok sang kalayo ang nasambit nga hulot bangud human ini sa light materials.

Padayon naman ang imbestigasyon sang BFP Ivisan kag BFP Sapian sa nasambitan nga sunog.