-- ADVERTISEMENT --
ROXAS CITY – Nagparekord sa pulisya ang isa ka 78-anyos nga senior citizen nga lalaki matapos nga ginaalegar ginbuno sang payong sang iya live in partner sa Barangay 10, Roxas City.
Sandig sa ginpabalhag nga reklamo ni alyas “Lolo Jose” nga ginaalegar ginbuno ini sang payong matapos nga wala ini nagpati kay alyas “Lola Ansing” 65-anyos nga indi maglakat sa ila balay bangud sa pamahog sang Coronavirus Disease (COVID19).
Apang, naglakat sa gihapon si Lolo Jose rason nga sa pagpuli na sini sa ila balay gilayon nga ginbuno ini sang payong ni Lola Ansing.
Maswerte naman nga nakalikaw ang nasambit nga tagreklamo.
Bangud diri, ginpakamaayo ni Lolo Jose kag sang iya 36-anyos nga bata nga iparekord na lamang sa pulisya ang insidente.
-- ADVERTISEMENT --
