IVISAN, Capiz – Pilason ang isa ka senior citizen, matapos ang nagluntad nga aksidente sa dalanon sang Barangay Agmalobo, Ivisan Capiz.
Sa interview sang Bombo Radyo kay, PMSG. Eduard Peter L. Harion, Traffic Investigator, sang Ivisan Capiz, iya ginpahayag ginasubay sang van ang dalan nagikan sa Barangay Agmalobo kag padulong sa banwa naghalin ini sa pihak nga linya kabangdanan nga na-sideswiped ang motorsiklo kag deritso naman nabungguan ang salakyan.
Suno kay PMSG. Harion, ang imbestigasyon sang Ivisan, Municipal Police Station (MPS), ginapahayag nga samtang ginasubay sang van ang dalan nagikan sa Barangay Agmalobo kag padulong sa banwa naghalin ini sa pihak nga linya kabangdanan nga na-sideswiped ang motorsiklo kag deritso naman nabungguan ang salakyan.
Ginkilala ang mga driver sang tricycle nga sanday alyas “Greg”, 66, driver sang motor nga nagaduag sang itom kag angkas sini si alyas “Rea”, 63, vendor, nga amu ang pilason kag residente sang Barangay Matnog sa nasambit nga banwa.
Samtang ang driver naman sang salakyan nagaduag itom ginkilala kay alyas “Noel” 57, mekaniko kag residente sang Barangay Agustin Navarra kag alyas Jerome, 48, isa ka glass installer kag driver naman sang Van.
Gilayon ginrespondihan sang Bureau of Fire Protection (BFP), para dangatan sang una nga pagbulong kag gindangat sa isa ka ospital para sa nagakaigo nga pagbulong.
Nagapanawagan man ang natungdan, mangin mahinalungon sa pagbiyahe agud malikawan ang disgrasya sa dalanon.
