Isa ka soldado, patay samtang apat naman ang pilason matapos maaksidente ang ila ginasakyan nga military truck

Patay ang isa ka suldado samtang pilason ang apat ka iban pa matapos nga nagdisgrasya ang military truck nga ila ginasakyan sa national highway sa TPLEX sa Barangay Caramutan sa Villasis, Pangasinan.

Halin sa Balikatan Exercises ang mga suldado kag pabalik na kuntani sa ila kampo sa Tarlac sang natabo ang aksidente.

Suno sa kapulisan, naglupok ang goma sang truck rason nga nadulaan sang kontrol ang driver.

Sa kabaskugon sang impact, natumba ang truck kag nagligid.

Maayo naman ang kahimtangan sang apat ka napilasan nga mga soldado.