ROXAS CITY – Nag-angkon sang electrical short circuit ang isa ka stall sa Teodoro Arcenas Trade Center ukon TATC sa Barangay 8, Roxas City.
Ang nasambit nga stall ang ginapanag-iyahan ni Roy Roco kun sa diin wala ini sa lugar sang natabo ang insidente.
Suno kay Dennis Rosal, collector aid nga naabtan nila mismo sang mga guwardya nga nagabantay sa amo nga merkado publiko nga hinali na lamang nga naglupok ang kuryente sa nasambit nga stall.
Bangud diri, nagpangayo sila sang responde sa Bureau of Fire Protection, Roxas City Fire Station kag gilayon man nga ginkaayo ang wire sang naglupok nga kuryente.
Nagaguwa sa inisyal nga imbestigasyon nga electrical short circuit ang ginhalinan sang paglupok sang kuryente.
Wala naman sang may napagkit nga kahalitan sa nasambit nga insidente.
