-- ADVERTISEMENT --
ROXAS CITY – Arestado ang isa ka wanted nga persona matapos nga ginserbihan sang warrant of arrest sang mga kapulisan sa Barangay Lawaan, Roxas City.
Ginkilala ang nadakpan nga si Rodel Dela Cruz alias Rodel, 36-anyos sang Barangay Talasa, Panay, Capiz.
Kaso nga murder ang ginapangatubang sang nasambit nga akusado kun sa diin ang nasambit nga warrant of arrest gin-isyu kag ginpirmahan ni Hon. Esperanza Isabel E. Poco Deslate sang RTC 6th Judicial Region Branch 19, Roxas City sadtong Setyembre 23, 2019.
Wala naman sang may ginrekomendar nga piyansa ang korte para sa temporaryo nga kahilwayan sang akusado.
Sa karon, nakahunong na sa karsel sang Roxas City Police Station ang nasambit nga akusado.
-- ADVERTISEMENT --
