Pilason ang isa ka persona matapos ginluthang sang tanod sa Barangay Bato, Roxas City.
Ginkilala ang biktima kay alyas “Jan-Jan”, yara sa legal nga pang-edaron samtang, ang suspek naman ang ginkilala kay Manuel Onas Ferrer, 52-anyos, isa ka brgy. tanod kag lunsay mga residente sang nasambit nga lugar.
Sa Pahayag ni Onas, nag-abot ang biktima nga si Alyas “Janjan” kag ginluthang ini apang wala ini maigo samtang, gilayon naman ini nga nag-gabot sang iya armas-luthang kag nagbalos luthang kay Janjan nga naigo naman sa magkatuhay nga parte sang iya lawas.
Ginabulong na sa isa ka pribado nga ospital ang biktima nga si Alyas “Janjan” samtang, nagsurender naman ang suspek nga tanod lakip na ang armas-luthang sini nga .45 caliber Colt nga may isa ka magasin kag 9 ka basiyo nga gingamit sini sa pagpangluthang sa mga otoridad.
Sa karon, nagapadayon pa ang imbestigasyon sang mga kapulisan sa nasambit nga insidente.
