ROXAS CITY -Ginkompirmar sang talatapan sang City Disaster Risk Reduction and Management Office ukon CDRRMO nga may isa sa 4 ka mga Overseas Filipino Workers repatriates nga nagpauli sa capiz nga nagpositibo sa ‘rapid test’.
Ini ang ginkompirmar ni Mr. Dennis Saneo, CDRRM-Officer sang mainterview sang Bombo Radyo.
Ginpahayag ni Saneo nga isa ka 29-anyos nga lalaki nga seafarer nga may travel history sa pungsod Norway ang nagpositibo sa rapid testing.
Suno kay Saneo nga ‘asymptomatic’ ang nasambit nga seafarer sa diin wala sang may nakit-an nga sintomas sang covid-19 disease.
Dugang ni Saneo nga makaligad nga nagpositibo sa rapid test ang nasambit nga seafarer, gilayon nga ginpasulod ini sa isolation sa hortus botanicus agud maseparar sa iban nga mga gina quarantine nga repatriates.
Samtang natalana naman nga ipaidalum sa Real-Time Polymerase Chain Reaction ukon RT-PCR test ang nagpositibo nga seafarer
