Narecover na sang mga otoridad ang isa sa duha ka flight data recorder ukon black box sang nag-crash nga air India passenger plane.
Suno sa ministro sang aviation minister, nakita nila ang blackbox sa may crash site sang Ahmedabad.
Padayon man ang ila pagpangita sang isa pa ka blackbox sa nasambit nga lugar.
Personal nga nagbisita si Indian Prime Minister Narendra Modi sa lugar kun sa diin nag-crash ang eroplano.
Nag-umpisa na man ang imbestigasyon sang mga imbestigador gikan sa United Kingdom kag US agud mahibaluan ang gintunaan sang aksidente.
Nagsindi sang kandila ang mga residente malapit sa lugar bilang simpatiya sa mga biktima.
Naglab-ot sa walo ang napatay sa lugar kun sa diin nag-crash ang eroplano samtang anum naman ka bangkay ang ginhatag sa pamilya sang mga biktima matapos matumod sang ila mga himata.
Madumduman nga gulpi lang nag-crash ang Air India pila ka minutos matapos ini ang naglupad padulong sa London.
Sa 242 ka mga tawo nga naghugpa sa eroplano, isa lang ang nakalampuwas nga isa ka Briton nga si Vishwashkumar Ramesh.
