Isa sa founder sang RGS investment scam, gin-aresto sang mga kapulisan

ROXAS CITY – Arestado ang ginatudlo isa sa founder sang RGS Global Marketing nga ginapahayag isa ka investment scam, matapos nga ginserbehan sang warrant of arrest sang mga katapo sang Negros Occidental Police Provincial Office (NOCPPO) sa San Gregorio Village, Binalbagan, Negros Occidental.

Ginkilala ang gin-aresto kay Henjie Cuadra.

Nagapangatubang sang kaso nga Syndicated Estafa si Cuadra, kag wala sang ginrekomendar ang korte nga piyansa para sa iya temporaryo nga kahilwayan.

Sa karon, yara na ini sa kustodiya sang Binalbagan PNP para sa nagakaigo nga disposisyon.