Arestado ang isa ka lalaki sa ginpatigayon nga drug buy-bust operation sa Barangay Poblacion Norte, Sigma, Capiz.
Ang arestado amo si alyas “bon” residente sang Barangay Bunga, Mambusao, Capiz.
Sa interview sang Bombo Radyo kay Police Major Narciso V. Sables Jr., Officer in Charge sang Sigma Municipal Police Station, iya ginpahayag na-recover sa arestado ang lima ka sachet sang suspected shabu nga nagabug-at sang apat ka gramos nga may standard drug price nga P24,000.
Suno kay Sables, nakuha man sa paghinakop sang subject person ang indi lisensyado nga .45 pistol isa ka magazine kag lima ka bala.
Sa subong, yara na preso na ini Sigma Municipal Police Station kag magapangatubang sa kaso nga paglapas sa Republic Act No. 10591 ukon Comprehensive Firearms and Ammunition Regulation Act kag Republic Act No. 9165 ukon Comprehensive Dangerous Drugs Act of 2002.
