Dakop sang mga katapo sang kapulisan ang ginaalegar isa sa mga suspek sa pagpangholdap sa banwa sang Pontevedra, Capiz.
Ang suspek amo si alyas Jeff “34-anyos kag residente man sang nasambit nga banwa.
Sa interview sang Bombo Radyo kay Police Captain Dennis Losbañes, Officer in charge sang Pontevdra Municipal Police Station, iya ginpahayag nga nakabaton sila sang impormasyon nga may yara sang lalaki nga nagapakadto-pakari sa lugar, armado kag makaduloda ang hulag gani gilayon nila nga ginrespondehan.
Suno kay Losbañes, narekober sa supek ang 1 ka unit sang .38 caliber revolver, ka plastic sachets may unod binulto nga shabu nga ginabanta may kabug-aton nga 30-gramos kag nagabalor sang P204,000; kag unit sang Hand Grenade.
Samtang, positibo naman ini nga gnkilala kag gintumod sang mga nabiktima nga mag-asawa nga ginhold up subong nagligad nga semana.
Sa subong, yara na sa kustodiya sang Pontevedra Municipal Police Station ang suspek nga magapangatubang sang mga kaso nga paglapas sa RA 10591 ukon Comprehensive Law on Firearms and Ammunition Regulation Act kag RA 9165 ukon Comprehensive Dangerous Drugs Act of 2002.
