Nasaksihan sang minilyon ka tawo sa bug-os nga United Kingdom kag iban pa nga bahin sang Europa ang isa sa pinakadaku nga solar eclipse sa sulod sang halos 30 ka tuig.
Kapin sa 90% sang adlaw ang natabunan sang bulan sa UK sa tion sang partial solar eclipse, samtang nasiplatan naman sa pila ka bahin sang Spain, Iceland, kag Greenland kon sa diin ang kalangitan natabunan sang dulom sa sulod sang pila ka minuto.
Nagtipon naman ang nagkalainlain nga mga grupo sa nagkalain-lain nga viewing sites agod tan-awon ang talagsahon nga hitabo sa kahawaan.
Suno sa mga astronomo, talagsa lang makaeksperyensya sang total solar eclipse sa isa ka lugar, nga sa masami nagakatabo makaisa kada halos 400 ka tuig.
Ginalauman nga may yara pa sang tatlo ka total solar eclipses sa nagkalain-lain nga bahin sang kalibutan humalin 2026 tubtub 2028.
