PANITAN CAPIZ – Arestado ang isa sa suspek nga nagluthang patay sa isa ka lalaki sa cockpit sang Galleria De Panit-an, Brgy. Conciencia, Panit-an, Capiz
Ini ang ginkumpirma ni Police Executive Master Sergeant Peter Cabantug sang Panitan PNP sang ini ang mainterview sang Bombo Radyo.
Ang arestado amo si alyas “Divino” 58-anyos, mamumugon kag residente sang Brgy. Quios, sa nasambit nga banwa.
Ginakabig nga Top 6 Most Wanted Person sa Provincial Level ang arestado kag magapangatubang ini sa kaso nga Attempted Murder.
Matandaan, nga ang suspek amo si alyas “Divino”kag kaupod sini amo sanday alyas “Ryan” 26-anyos; alyas “Ralden” 48-anyos nga nagpatay sa biktima nga si alyas “Lloyd” 24-anyos sang Barangay Agkilo.
Madinalag-on ini nga naaresto pinaagi sa pagserbe sang warrant of arrest nga ginpapanaog kag ginpirmahan ni Hon. Kristine Tiangco Vinculado, Presiding Judge, sang RTC, 6th Judicial Region, Branch 16 nga napetsahan Abril 22, 2024.
Ginrekomendar sang korte ang balor P120, 000.00 nga piyansa para sa kaso nga Attempted Murder Samtang wala naman sang piyansa nga ginrekomendar ang korte para sa kaso nga Murder.
Nagapabilin nga preso sa Panitan PNP ang arestado kag natalana nga i-turnover sa court of origin.
